Historie
Odd Johan Overøye er vaksen
opp med Rosekyrkja som næraste
nabo. Han utdanna seg etter kvart
innan musikk og har reist mykje
rundt i landet som utøvar. Odd
Johan har sett korleis lokale
eldsjeler har skapt festivalar og
arrangement knytt til ulike stader
si historie og særeigne
lokalitetar. Det var såleis
ikkje så rart at han på
slutten av 90-talet begynte å
filosofere over moglege aktivitetar
i dei flotte lokala som ligg i hans
nabolag.
Idéen om eit sommarprogram med
kulturaktivitetar vart lansert for
nokre venner han trudde kunne vere
med på eit slikt initiativ.
Eva Hove, Ola Stavseng, Leif Dybdal
og Kristian Almås vart med i
styringsgruppa. I tillegg vart det
teke kontakt med kulturkonsulent
Charles Tøsse og Sindre
Helland som representant frå
næringslivet. Ei foreining
vart skipa sommaren 1999.
Namnet Kyrkjehola Kulturbeite vart
etter kvart bestemt med grunnlag i
stadnamnet Kyrkjehola, som frå
gamalt var ei senking i terrenget
aust for Rosekyrkja.
I løpet av vinteren 2000 vart
det søkt om støtte
frå bedrifter i Stordal og
frå Stordal kommune. Vi fekk
tilsagn på midlar nok til
å inngå kontrakter med
deltakarar og til å lage ein
brosjyre som skulle gjere
arrangementa kjende.
Publikumsframmøtet var
tilfredsstillande første
sesongen, men vi sat att med eit
underskot. Det vart likevel vurdert
at KKB var liv laga og at vi skulle
prøve med program også i
2001. Dette året gjekk det
noko betre økonomisk, og i dei
neste åra gjekk vi litt i
pluss mykje takka vere eit stadig
srørre publikum. Pressa
oppdaga at programmet var omtykt og
meir spallteplass vart gitt
både til førehandsomtale
og meldingar om førestillingar
og arrangement. Merkevara
Kyrkjehola Kulturbeite tok form.
Kunstnarleg har nivået heile
tida vore høgt. Eit utvida
samarbeid med Fjord Cadenza siste
åra er med på å
oppretthalde kvalitetsstempelet.
Med auka støtte frå
både fylke, kommune,
Kulturrådet og våre
trufaste sponsorar som Sparebanken
Møre og Busengdal Transport,
går vi med høge
forventningar inn i vårt
femtande sommarprogram.